Аб прадпрыемстве

Магілёўскі металургічны завод з'яўляецца адным са старэйшых прамысловых прадпрыемстваў абласнога цэнтра.

У канцы 20-х гадоў мінулага стагоддзя паўночна-ўсходняя ўскраіна горада Магілёва была закінутая пустка. Гэтае месца побач з чыгункай вельмі спадабалася праектантам. У канцы 1929 года пачалася падрыхтоўка пляцоўкі для будучага завода, а ў пачатку 1930 года поўным ходам разгарнуліся будаўнічыя работы.

І ўжо 6 лістапада 1932 года Магілёўскі, тады, трубаліцейны завод, святкаваў свой Дзень нараджэння: быў зроблены пробны пуск трубаліцейнага цэха - адліта першая чыгунная вадаправодная труба дыяметрам 150 мм.

З пачаткам Вялікай Айчыннай вайны завод спынілі. Яго абсталяванне было эвакуіравана ў глыбокі тыл на Урал. Адразу пасля вызвалення Магілёва ад нямецка-фашысцкіх захопнікаў пачалося аднаўленне прадпрыемства. Ужо ў 1947 годзе быў атрыманы першы пасляваенны сталёвы ліст, а ў 1948 - трубаліцейны цэх выдаў першую пасляваенную трубную прадукцыю.

У сакавіку 1953 года завод асвоіў вытворчасць сталёвага дахавага ліста, які ў далейшым пачаў вырабляцца з ацынкаванай паверхняй у цэху гарачага ацынкавання.

У 1959 годзе на Магілёўскім металургічным заводзе ўпершыню ў Савецкім Саюзе была асвоена прамысловая ўстаноўка па вытворчасці чыгунных воданапорных труб паўбесперапынным спосабам, а ў 1961 годзе трубаліцейны цэх поўнасцю перайшоў на адліўку труб па новай тэхналогіі. З году ў год, нарошчваючы выпуск чыгунных труб, завод пазбавіў краiну ад неабходнасці іх увозу, больш за тое, значная частка труб адпраўлялася за мяжу.

У 1983 годзе завод асвоіў вытворчасць чыгунных напорных труб пад гумовую ўшчыльняльную абшэўку, а ў 1986 - зноў упершыню ў СССР, адліў трубу дыяметрам 400 мм.

Паваротам у гісторыі прадпрыемства было рашэнне па арганізацыі на яго плошчах вытворчасці электразварных труб, якое ўвасобілася ў жыццё ў 1986 годзе - здадзены ў эксплуатацыю першы трубапракатны стан, а ў далейшым другі і трэці.

Пастаянна мадэрнізуючы існуючую вытворчасць, на базе трубаліцейнага цэха ў 2003 годзе ўводзіцца ў эксплуатацыю ўчастак вытворчасці чыгунных люкаў з плаўленнем металу ў індукцыйных печах, а ў 2004 - участкі вытворчасці і рассявання чыгуннага літога і колатага дробу.

Рашэннем устаноўчай канферэнцыі ад 11 снежня 1996 года дзяржаўнае прадпрыемства “Магілёўскі металургічны завод ім. А.Ф. Мяснікова » пераўтворана ў Адкрытае акцыянернае таварыства «Магілёўскі металургічны завод» (ААТ «ММЗ») з удзелам у Статутным фондзе замежнага капіталу – кампаніі Бостан Трэйд Канэкшн Інк. ЗША.

Кожнае пакаленне завадчан у розныя гады ўнесла свой важкі ўклад у сацыяльна-эканамічнае развіццё роднага прадпрыемства. Высокапрафесійны, мабільны, працавіты, з дакладна пазначанай грамадскай пазіцыяй калектыў магілёўскіх металургаў і сёння ганарыцца якасцю і запатрабаванасцю выпускаемай прадукцыі, вядомай далёка за межамі Беларусі. Цяпер Адкрытае акцыянернае таварыства "Магілёўскі металургічны завод" вырабляе наступную прадукцыю:

• трубы сталёвыя электразварныя прамашоўныя ДАСТ 10704-91, ДАСТ 10705-80;
• трубы сталёвыя водагазаправодныя ДАСТ 3262-75;
• трубы сталёвыя профільныя ДАСТ 8639-82, ДАСТ 8645-68, ДАСТ 13663-86;
• трубы сталёвыя зварныя агульнага прызначэння ДАСТ 33228 – 2015;
• профілі полыя зварныя канструкцыйныя халоднай фармоўкі з нелегіраваных сталей DIN EN 10219-1,2, ДАСТ EN 10219;
• дроб тэхнічны чыгунны літы і колаты ДАСТ 11964-81;
• дроб чыгунны літы баластны ТУ BY 700123720.010-2013;
• запаўняльнікі для асабліва цяжкіх бетонаў ТУ BY 700123720.054-2013.
• люкі і дажджапрыёмнікі чыгунныя для назіральных і ліўнестачных студняў ДАСТ 3634-2019, EN 124-2015;
• восі чарнавыя вагонныя для чыгуначнага рухомага саставу з марак сталі АС па ДАСТ 33200-2014 і EA1N па EN 13261-2020.
• пакоўкі з канструкцыйных і легіраваных сталей па ДАСТ 8479-70 і ДАСТ 1133-71
• малыя архітэктурныя формы.